మండల కురుమ సంఘం నూతన కార్యవర్గాన్ని శుక్రవారం బీరప్ప దేవాలయం వద్ద ఎన్నుకున్నారు. ఈ ఎన్నికల్లో ఎకలేరు గంగాధర్ అధ్యక్షుడిగా ఎన్నికయ్యారు. మండలంలోని వివిధ గ్రామాల కురుమ కులస్తులు, సంఘం నాయకులు, జిల్లా నాయకుల సమక్షంలో ఈ ఎన్నికలు జరిగాయి.
నూతన కార్యవర్గంలో అధ్యక్షుడిగా ఎకలేరు గంగాధర్, ఉపాధ్యక్షుడిగా ఒలికిరి నరేష్, కార్యదర్శిగా కామేటి భోజన్న, కోశాధికారిగా సాయిల నరసయ్య, సలహాదారుగా జెడ్ల మహేష్, సోషల్ మీడియా కన్వీనర్గా సూర్య సంతోష్ ఎన్నికయ్యారు.
అదేవిధంగా గౌరవ అధ్యక్షులుగా గ్రామ సర్పంచ్ కునేరు భూమన్న, కాలువ నరేష్లను ఎన్నుకున్నారు.
ఈ ఎన్నికలు మండలంలోని అన్ని గ్రామాల కురుమ కులస్తులు, జిల్లా నాయకులు రాములు, చిన్నయ్య, దేవన్న, సట్ వాజి తదితరుల ఆధ్వర్యంలో జరిగాయి.
ఈ సందర్భంగా నూతన కార్యవర్గ సభ్యులు మాట్లాడుతూ, మండలంలోని కురుమ కులస్తుల ఐక్యతకు, సంఘం అభివృద్ధికి తమ వంతు కృషి చేస్తామని తెలిపారు. కురుమ కులస్తుల సమస్యలను పరిష్కరించేందుకు, సంఘాన్ని మరింత బలోపేతం చేసేందుకు సమష్టిగా పనిచేస్తామని పేర్కొన్నారు.
నూతన కార్యవర్గం ఎన్నిక పట్ల మండలంలోని కురుమ కులస్తులు హర్షం వ్యక్తం చేసి, నూతన కార్యవర్గ సభ్యులకు శుభాకాంక్షలు తెలిపారు.
