వేములవాడలో సహస్ర దీపోత్సవం: ఆధ్యాత్మిక ప్రవచనాలు, సప్త హారతులతో భక్తుల ఆనందం

కార్తీక మాసం సందర్భంగా వేములవాడలో శ్రీ రాజరాజేశ్వర చారిటబుల్ ట్రస్ట్ ఆధ్వర్యంలో సహస్ర దీపోత్సవం కార్యక్రమం వైభవంగా జరుగుతోంది. సర్దేశాయి గడి ఆవరణలో జరుగుతున్న ఈ కార్యక్రమంలో ఆధ్యాత్మిక వాతావరణం నెలకొంది. ప్రముఖ ప్రవచన కర్త శ్రీమతి నమిలకొండ సునీత ప్రవచనాలు భక్తులను ఆకట్టుకున్నాయి.

కార్తీక మాసం పురస్కరించుకొని వేములవాడలో శ్రీ రాజరాజేశ్వర చారిటబుల్ ట్రస్ట్ ఆధ్వర్యంలో సహస్ర దీపోత్సవం కార్యక్రమం వైభవంగా సర్దేశాయి గడి ఆవరణలో కన్నుల పండువగా జరుగుతోంది. దీపోత్సవ ప్రాంగణమంతా ఆధ్యాత్మిక వాతావరణం సంతరించుకుంది. ప్రముఖ ప్రవచన కర్త, వేములవాడ ఆడబిడ్డ అయిన శ్రీమతి నమిలకొండ సునీత గారి అద్భుత ప్రవచనం భక్తులను మంత్రముగ్ధులను చేసింది. కార్యక్రమంలోని సప్త హారతుల ఘట్టం భక్తులను చప్పట్లు కొట్టేలా, శివనామ స్మరణలో మైమరచిపోయేలా చేసింది.

కార్యక్రమ వివరాలు

ఈ కార్యక్రమం ప్రతిరోజూ సాయంత్రం 6 గంటల నుండి 9 గంటల వరకు అభిషేకం, ప్రముఖుల ప్రవచనాలు, సప్త హారతులు, దీప అలంకరణతో కొనసాగుతుందని నిర్వాహకులు తెలిపారు. కార్తీక పౌర్ణమి రోజున, అనగా 24వ తేదీన శివ కళ్యాణం, జ్వాల తోరణం కార్యక్రమాలు నిర్వహిస్తున్నట్లు ట్రస్ట్ చైర్మన్ రాగంపేట హరిబాబు తెలిపారు. ఈ సందర్భంగా ప్రాంగణమంతా దైవనామస్మరణతో మారుమోగుతుందని ఆయన పేర్కొన్నారు. ఈ కార్యక్రమంలో ప్రతి ఒక్కరూ పాల్గొనాలని ఆయన కోరారు.