నిర్మల్లో ఘనంగా స్వచ్ఛతా హీ సేవ కార్యక్రమం

బ్యాంకు ఉద్యోగులు, మున్సిపల్ సిబ్బంది సంయుక్తంగా ధర్మసాగర్ పరిసర ప్రాంతాలతో పాటు బస్టాండ్ ఆవరణలో ప్రత్యేక పారిశుద్ధ్య కార్యక్రమాన్ని చేపట్టారు. వీధులు, ప్రజా రవాణా కేంద్రాల పరిసరాల్లో పేరుకుపోయిన చెత్తను తొలగించారు. పట్టణాన్ని పరిశుభ్రంగా, సుందరంగా తీర్చిదిద్దడమే లక్ష్యంగా చేపట్టిన ఈ కార్యక్రమంలో అధికారులు, సిబ్బంది స్వయంగా పారిశుద్ధ్య పనుల్లో పాల్గొన్నారు. పరిశుభ్రత ప్రాధాన్యతను ప్రజలకు వివరించారు. ప్రతి ఒక్కరూ తమ ఇల్లు, పరిసరాలను పరిశుభ్రంగా ఉంచుకోవడం ద్వారా ఆరోగ్యవంతమైన సమాజ నిర్మాణంలో భాగస్వాములు కావాలని నిర్వాహకులు పిలుపునిచ్చారు. ఈ కార్యక్రమంలో మున్సిపల్ కమిషనర్ రవిబాబు, ఎల్డీఎం రామ్గోపాల్, టీజీబీ ప్రాంతీయ మేనేజర్ నవీన్తో పాటు పలువురు బ్యాంకింగ్ అధికారులు, మున్సిపల్ సిబ్బంది పాల్గొన్నారు.