మండల కేంద్రంలో శుక్రవారం శ్రీ వరసిద్ధి వినాయక నిమజ్జన మహోత్సవం భక్తిశ్రద్ధలతో, ప్రశాంత వాతావరణంలో జరిగింది. ఈ కార్యక్రమంలో ముధోల్ ఎమ్మెల్యే పవార్ రామారావు పటేల్ పాల్గొని, భక్తులతో కలిసి వేడుకలను తిలకించారు. నిమజ్జనోత్సవాల్లో సంయమనం పాటించాలని ఆయన సూచించారు.
మండల కేంద్రంలోని శ్రీ విఠలేశ్వర ఆలయం వద్ద శుక్రవారం జరిగిన శ్రీ వరసిద్ధి వినాయక నిమజ్జన మహోత్సవంలో ముధోల్ ఎమ్మెల్యే పవార్ రామారావు పటేల్ పాల్గొన్నారు. అనంతరం పలు వినాయక మండపాల్లో జరిగిన నిమజ్జన కార్యక్రమాల్లో పాల్గొని భక్తులతో కలిసి వేడుకలను తిలకించారు. ముందుగా శ్రీ విఠలేశ్వర స్వామివారికి ప్రత్యేక పూజలు నిర్వహించి తీర్థప్రసాదాలు స్వీకరించారు. అనంతరం వినాయక నిమజ్జనోత్సవంలో పాల్గొన్నారు. ఈ సందర్భంగా ఎమ్మెల్యే పవార్ రామారావు పటేల్ మాట్లాడుతూ, నిమజ్జనోత్సవాల్లో ఎలాంటి అవాంఛనీయ ఘటనలకు తావులేకుండా ప్రతి ఒక్కరూ సంయమనం, క్రమశిక్షణ పాటించాలని కోరారు. పోలీసు, అధికార యంత్రాంగానికి సహకరిస్తూ ఉత్సవాలను ప్రశాంతంగా నిర్వహించుకోవాలని సూచించారు. భక్తులు, యువత శాంతి, సోదరభావంతో వ్యవహరించి నిమజ్జనోత్సవాలను విజయవంతంగా నిర్వహించుకోవాలని ఆకాంక్షించారు. ఈ కార్యక్రమంలో ప్రజాప్రతినిధులు, మండల సీనియర్ నాయకులు, కార్యకర్తలు, భక్తులు తదితరులు పాల్గొన్నారు.
