మండలంలోని బోర్గాం బాలాజీ ఆలయం సమీపంలో ఆదివారం తెల్లవారుజామున చిరుత సంచరించడం భక్తులు, స్థానికుల్లో భయాందోళన సృష్టించింది. ఆలయ పరిసరాల్లో చిరుత తిరుగుతున్న దృశ్యాలను కొందరు తమ సెల్ఫోన్లలో బంధించి వైరల్ చేశారు.
మండలంలోని బోర్గాం బాలాజీ ఆలయం సమీపంలో ఆదివారం తెల్లవారుజామున సుమారు 5:30 గంటల సమయంలో చిరుత సంచరించడం కలకలం రేపింది. ఆలయ పరిసరాల్లో చిరుత తిరుగుతున్న దృశ్యాలను భక్తులు, స్థానికులు తమ సెల్ఫోన్లలో వీడియోలు, ఫొటోలు తీశారు.
పాలజ్ గణేశ్, బోసి గణేశ్ ఉత్సవాలకు వెళ్లే భక్తులతో పాటు, హంగిర్గా గ్రామానికి చెందిన లక్ష్మణ్ మహారాజ్ను దర్శించుకునేందుకు వెళ్లే భక్తులు ఈ మార్గంలో రాకపోకలు సాగిస్తుంటారు. ఈ నేపథ్యంలో ఆలయం సమీపంలో చిరుత సంచరించడం భక్తుల్లో ఆందోళన కలిగిస్తోంది.
చిరుత సంచారానికి సంబంధించిన వీడియోలు, ఫొటోలు ప్రస్తుతం స్థానికంగా చర్చనీయాంశంగా మారాయి. దీంతో ఆలయ పరిసరాలు, రహదారుల వెంట వెళ్లే భక్తులు, స్థానిక ప్రజలు అప్రమత్తంగా ఉండాలని కోరుతున్నారు.
అటవీశాఖపై స్థానికుల ఆరోపణలు
చిరుత సంచారం విషయాన్ని గతంలో పలుమార్లు అటవీశాఖ అధికారుల దృష్టికి తీసుకెళ్లినప్పటికీ, తగిన చర్యలు తీసుకోలేదని స్థానికులు ఆరోపిస్తున్నారు. భక్తులు, ప్రజల భద్రతను దృష్టిలో ఉంచుకుని ఇకనైనా అటవీశాఖ అధికారులు వెంటనే స్పందించాలని కోరుతున్నారు.
చిరుత సంచరించిన ప్రాంతాన్ని అధికారులు పరిశీలించి, గాలింపు చర్యలు చేపట్టడంతో పాటు, ప్రజలకు ఎలాంటి ప్రమాదం జరగకుండా అవసరమైన ముందస్తు జాగ్రత్తలు తీసుకోవాలని స్థానికులు డిమాండ్ చేస్తున్నారు.
చిరుత సంచారంపై ఉన్నతాధికారులు వెంటనే స్పందించి, ప్రజల భద్రతకు తగిన చర్యలు చేపట్టాలని స్థానికులు కోరుతున్నారు.
