Maharashtra, 11 September
మహారాష్ట్రలో విద్యుత్ చార్జీల భారానికి నిరసనగా సీపీఐ(ఎం) ఆధ్వర్యంలో దహనులో జాతీయ రహదారిని దిగ్బంధించారు. స్మార్ట్ మీటర్ల ఏర్పాటు, అధిక విద్యుత్ బిల్లులకు వ్యతిరేకంగా జరిగిన ఈ ఆందోళనలో 35,000 మందికి పైగా ప్రజలు పాల్గొన్నారు.
** విద్యుత్ చార్జీల మోత: దహనులో సీపీఐ(ఎం) భారీ ఆందోళన.. జాతీయ రహదారి దిగ్బంధం , దహను: మహారాష్ట్ర ప్రభుత్వ విద్యుత్ దోపిడీకి వ్యతిరేకంగా ప్రజాగ్రహం మిన్నంటింది. స్మార్ట్ మీటర్ల ఏర్పాటు, మితిమీరిన విద్యుత్ బిల్లుల భారానికి నిరసనగా సీపీఐ(ఎం) ఆధ్వర్యంలో గురువారం దహను వద్ద చేపట్టిన జాతీయ రహదారి దిగ్బంధనం ఉధృతంగా సాగింది. ఈ ఆందోళనలో సుమారు 35,000 మందికి పైగా బాధితులు, ప్రజలు పాల్గొన్నారు. విద్యుత్ చార్జీల మోత: దహనులో సీపీఐ(ఎం) భారీ ఆందోళన.. జాతీయ రహదారి దిగ్బంధం ఈ రోడ్డు దిగ్బంధనం భారీ వర్షాన్ని సైతం లెక్కచేయకుండా దాదాపు మూడు గంటల పాటు కొనసాగింది. విద్యుత్ బిల్లుల భారాన్ని తగ్గించే విషయమై తదుపరి 15 రోజుల్లో తగిన చర్యలు తీసుకుంటామని అధికారులు లిఖితపూర్వక హామీ ఇవ్వడంతో ఆందోళనకారులు నిరసనను విరమించారు. ఈ కార్యక్రమంలో సీఐటీయూ (CITU), ప్రజాస్వామ్య మహిళా సంఘం, డివైఎఫ్ఐ (DYFI), ఎస్ఎఫ్ఐ (SFI), అఖిల భారత కిసాన్ సభల కార్యకర్తలు పెద్ద సంఖ్యలో పాల్గొని సంఘీభావం తెలిపారు. విద్యుత్ చార్జీల మోత: దహనులో సీపీఐ(ఎం) భారీ ఆందోళన.. జాతీయ రహదారి దిగ్బంధం ఈ నిరసన కార్యక్రమానికి సీపీఐ(ఎం) పొలిట్బ్యూరో సభ్యులు అశోక్ ధావలే, కేంద్ర కమిటీ సభ్యులు మరియు ఎమ్మెల్యే వినోద్ నికోలే, జిల్లా కార్యదర్శి కిరణ్ గహాల తదితర ప్రముఖ నాయకులు నాయకత్వం వహించారు.
