మనోరంజని తెలుగు టైమ్స్ లో దారుణం: వివాహేతర సంబంధం అనుమానంతో వ్యక్తి హత్య

మాలెపాడు గ్రామంలోని ఆవులపల్లెకు చెందిన ఆవుల నరసింహులు (45) మ్యాజిక్లు చేస్తూ జీవనం సాగించేవాడు. దిన్నెమీద గ్రామానికి చెందిన నాగరాజు కుటుంబంతో అతడికి పరిచయం ఉంది. ఈ క్రమంలో తన భార్య గంగాదేవితో నరసింహులు వివాహేతర సంబంధం పెట్టుకున్నాడని నాగరాజు అనుమానించాడు. ఈ అనుమానంతోనే నరసింహులును హతమార్చాలని నిర్ణయించుకున్నాడు.

నాగరాజు, నరసింహులును మంత్రాలు చేయాలని చెప్పి జిల్లా శ్రీనివాస మంగాపురం సమీపంలోని నిర్మానుష్య ప్రాంతానికి తీసుకెళ్లాడు. అక్కడ తన స్నేహితుడు ముదిరాజుతో కలిసి షూ లేసుతో గొంతు బిగించి హత్య చేశాడు. అనంతరం మృతదేహాన్ని అక్కడే పాతిపెట్టినట్లు సమాచారం.

నరసింహులు కనిపించకపోవడంతో కుటుంబ సభ్యులు పోలీసులకు ఫిర్యాదు చేయగా, మిస్సింగ్ కేసు నమోదైంది. పోలీసులు దర్యాప్తు చేపట్టి నాగరాజుపై అనుమానంతో అతడిని అదుపులోకి తీసుకుని విచారించారు. విచారణలో భార్యతో నరసింహులుకు సంబంధం ఉందనే అనుమానంతోనే హత్య చేసినట్లు నాగరాజు అంగీకరించినట్లు తెలిసింది.

ఈ హత్య కేసులో సహకరించిన ముదిరాజు పరారీలో ఉన్నట్లు, అతడి కోసం పోలీసులు గాలిస్తున్నట్లు కథనాలు పేర్కొన్నాయి. ఈ ఘటనపై పోలీసులు మరింత లోతుగా దర్యాప్తు చేస్తున్నారు.