ప్రొద్దుటూరు ప్రభుత్వ ఆసుపత్రిలో రాజశేఖర్ రెడ్డి అనే వ్యక్తి అనారోగ్యంతో మరణించారు. అంత్యక్రియలు నిర్వహించడానికి బంధువులు ఎవరూ ముందుకు రాకపోవడంతో, ఆసుపత్రి సిబ్బంది మే ఐ హెల్ప్ యు ఫౌండేషన్ టౌన్ ప్రెసిడెంట్ సుబహాన్ ను ఫోన్ ద్వారా సంప్రదించారు. వారు వెంటనే స్పందించి, హిందూ స్మశాన వాటికలో హిందూ సంప్రదాయం ప్రకారం అంత్యక్రియలు నిర్వహించారు.
ఈ గొప్ప కార్యక్రమానికి ఫౌండేషన్ చైర్మన్ మోరే లక్ష్మణ్ రావు, టౌన్ ప్రెసిడెంట్ సుబాహన్, అహమద్ హుస్సేన్, ట్రెజరర్ భార్గవ సాయి, సతీష్, సుమన్ (స్వరకల్పన ఈవెంట్స్), గౌస్ పాల్గొని అంత్యక్రియలను పూర్తి చేశారు.
ఈ సందర్భంగా చైర్మన్ మోరే లక్ష్మణ్ రావు మాట్లాడుతూ, సమాజంలో ఎవరూ లేని వారికి కూడా గౌరవప్రదమైన అంతిమ సంస్కారాలు జరగాలనే ఉద్దేశంతో ఈ సేవా కార్యక్రమాన్ని చేపట్టామని తెలిపారు. మే ఐ హెల్ప్ యు ఫౌండేషన్ నిరంతరం ఇలాంటి సేవా కార్యక్రమాలు చేపడుతూ, అవసరంలో ఉన్నవారికి అండగా నిలుస్తుందని ఫౌండేషన్ సభ్యులు పేర్కొన్నారు.
