నూతనంగా ఎన్నికైన రెడ్ క్రాస్ కమిటీ సభ్యులు పార్లమెంట్ సభ్యులు ధర్మపురి అరవింద్ను కలిశారు. ఇండియన్ రెడ్ క్రాస్ సొసైటీ నిజామాబాద్ బ్రాంచ్ చైర్మన్ పోతన్ కర్ లక్ష్మీనారాయణ ఆధ్వర్యంలో కమిటీ సభ్యులు బుధవారం న్యూ హౌసింగ్ బోర్డులోని ఎంపీ కార్యాలయంలో ఎంపీ ధర్మపురి అరవింద్ను మర్యాదపూర్వకంగా కలిశారు. ఈ సందర్భంగా ఎంపీకి దసరా పండుగ శుభాకాంక్షలు తెలిపారు. రెడ్ క్రాస్ సొసైటీ ఆధ్వర్యంలో చేపడుతున్న సేవా కార్యక్రమాలను వివరించి, సంస్థ అభివృద్ధికి సహకారం అందించాలని కోరారు. ప్రజలకు మరింత మెరుగైన సేవలు అందించేందుకు రెడ్ క్రాస్ సొసైటీని బలోపేతం చేయాల్సిన అవసరం ఉందని కమిటీ సభ్యులు ఎంపీ దృష్టికి తీసుకెళ్లారు.
దీనిపై సానుకూలంగా స్పందించిన ఎంపీ ధర్మపురి అరవింద్ నూతన కమిటీకి అభినందనలు తెలుపుతూ రెడ్ క్రాస్ అభివృద్ధికి తన సహకారం ఉంటుందని హామీ ఇచ్చారు. ఈ కార్యక్రమంలో రెడ్ క్రాస్ సొసైటీ వైస్ చైర్మన్ డాక్టర్ సీను నాయక్, ట్రెజరర్ కెంపుల నాగరాజు, ఎగ్జిక్యూటివ్ సభ్యుడు దీకొండ యాదగిరి, సభ్యులు మల్లెపూల జగన్ మోహన్ గౌడ్, సుభాష్ పద్మ తదితరులు పాల్గొన్నారు.
