గ్రామాల అభివృద్ధి పనుల మంజూరుకు డీఆర్డీఏ పీడీకి సర్పంచ్ల వినతి

జిల్లా కుబీర్ మండలానికి చెందిన పలువురు గ్రామాల సర్పంచ్లు డీఆర్డీఏ పీడీ డాక్టర్ విజయలక్ష్మిని కలిసి గ్రామాల్లో వివిధ అభివృద్ధి పనుల మంజూరు కోసం వినతిపత్రం అందజేశారు.

ఈ సందర్భంగా పాంగ్రా సర్పంచ్ నమత్కర్ దిగంబర్, సిరిపల్లి సర్పంచ్ ఆరెపల్లి సతీష్, మాలేగాం సర్పంచ్ షెల్కే ఆనంద్ తమ గ్రామాల్లో అవసరమైన అభివృద్ధి పనుల గురించి వివరించారు. ఇందులో భాగంగా కాంపౌండ్ వాల్ నిర్మాణం, డ్రైనేజీ పనులు, వర్క్షెడ్లు, గోదాముల నిర్మాణం, కల్వర్టుల ఏర్పాటు తదితర పనులకు నిధులు మంజూరు చేయాలని కోరారు.

సర్పంచ్ల వినతిపై డాక్టర్ విజయలక్ష్మి సానుకూలంగా స్పందించారు. సంబంధిత అధికారులకు పనుల వివరాలు పంపించి, ఎస్టిమేషన్లు సిద్ధం చేయాలని ఆమె సూచించినట్లు తెలిపారు.

గ్రామాల్లో మౌలిక సదుపాయాల అభివృద్ధికి అవసరమైన చర్యలు చేపట్టే దిశగా డీఆర్డీఏ పీడీ స్పందించడంతో సర్పంచ్లు హర్షం వ్యక్తం చేశారు. తమ గ్రామాల్లో మౌలిక సదుపాయాల కల్పనకు ప్రభుత్వం ప్రాధాన్యత ఇస్తుందని వారు ఆశాభావం వ్యక్తం చేశారు.