గ్రాడ్యుయేట్ ఎమ్మెల్సీ ఎన్నిక: బీజేపీ అభ్యర్థి ఎవరనే దానిపై ఉత్కంఠ

హైదరాబాద్రంగారెడ్డిమహబూబ్నగర్ గ్రాడ్యుయేట్ ఎమ్మెల్సీ ఎన్నికల నేపథ్యంలో బీజేపీ అభ్యర్థిత్వంపై పార్టీ వర్గాల్లో ఆసక్తికరమైన చర్చ జరుగుతోంది. రాష్ట్ర అధ్యక్షుడు ఎన్. రామచంద్రరావు పోటీ చేసే అంశంతో పాటు, పలువురు ఆశావహుల పేర్లు కూడా పరిశీలనలో ఉన్నట్లు పార్టీ వర్గాల్లో చర్చ జరుగుతోంది. ఇటీవల ముగ్గురు సభ్యులతో కూడిన పార్టీ కమిటీ నియోజకవర్గ పరిధిలోని ఎంపీలు, ఎమ్మెల్యేలు, మాజీ ప్రజాప్రతినిధులు, జిల్లా అధ్యక్షులు, మాజీ అధ్యక్షులు, జిల్లా ఇన్చార్జుల అభిప్రాయాలను సేకరించినట్లు సమాచారం. ఈ నేపథ్యంలో, రామచంద్రరావు పోటీ చేయని పక్షంలో నెల్లి శ్రీవర్ధన్ రెడ్డి పేరును పరిశీలించే అవకాశం ఉందనే అభిప్రాయాలు పార్టీ వర్గాల్లో వ్యక్తమవుతున్నట్లు తెలుస్తోంది.

నెల్లి శ్రీవర్ధన్ రెడ్డి ఇప్పటికే రెండుసార్లు ఉపాధ్యాయ ఎమ్మెల్సీ ఎన్నికల్లో పోటీ చేసిన అనుభవం కలిగి ఉన్నారు. ఉపాధ్యాయులు, ఉద్యోగ సంఘాలు, ప్రైవేట్ పాఠశాలల యాజమాన్యాలతో ఉన్న పరిచయాలు, హైదరాబాద్రంగారెడ్డిమహబూబ్నగర్ ప్రాంతాల్లో ఆయనకు ఉన్న గుర్తింపు వంటి అంశాలు అభ్యర్థిత్వ చర్చలో ప్రస్తావనకు వస్తున్నాయి. ఏబీవీపీ, ఆర్ఎస్ఎస్, బీజేపీ భావజాలంతో సుదీర్ఘకాలంగా కొనసాగుతున్న ఆయనకు పార్టీ నాయకులు, కార్యకర్తలతో ఉన్న అనుబంధం కూడా కలిసొచ్చే అంశంగా పార్టీ వర్గాలు భావిస్తున్నట్లు సమాచారం. యువత, ఉద్యోగులు, ఉపాధ్యాయులు, గ్రాడ్యుయేట్ల సమస్యలపై పనిచేసిన అనుభవం కూడా ఆయనకు బలంగా మారవచ్చనే చర్చ జరుగుతోంది. ఇదిలా ఉండగా, ఈ ఎమ్మెల్సీ స్థానానికి ఎస్. మల్లారెడ్డి, ఎన్వీ సుభాష్, డోకూర్ పవన్, సారంగుల, అమర్నాథ్, గౌతమ్రావు, వీరేందర్ గౌడ్ తదితరుల పేర్లు కూడా ఆశావహులుగా వినిపిస్తున్నాయి. అయితే, అభ్యర్థిత్వంపై పార్టీ నుంచి ఇప్పటివరకు అధికారిక ప్రకటన వెలువడలేదు.

రామచంద్రరావు పోటీ చేస్తారా, లేక మరెవరికి అవకాశం దక్కుతుందా అనే అంశంపై పార్టీ శ్రేణుల్లో ఉత్కంఠ కొనసాగుతోంది. ఆశావహుల రాజకీయ అనుభవం, పార్టీతో అనుబంధం, నియోజకవర్గ పరిధిలో ఉన్న పరిచయాలు, గ్రాడ్యుయేట్లుఉద్యోగులుఉపాధ్యాయుల్లో ఉన్న గుర్తింపు వంటి అంశాలను నాయకత్వం పరిగణనలోకి తీసుకునే అవకాశం ఉందని పార్టీ వర్గాల్లో చర్చ జరుగుతోంది. తుది నిర్ణయం బీజేపీ అధిష్ఠానం తీసుకోవాల్సి ఉండటంతో హైదరాబాద్రంగారెడ్డిమహబూబ్నగర్ గ్రాడ్యుయేట్ ఎమ్మెల్సీ అభ్యర్థి ఎవరనే అంశంపై సర్వత్రా ఆసక్తి నెలకొంది.