నిర్మల్ జిల్లా మండలంలో ఇసుకాసురులు తమ అక్రమ దందా కొనసాగిస్తున్నారు. ఇందిరమ్మ ఇళ్ల పథకం పేరుతో అక్రమ ఇసుక డంపులు చేస్తున్నట్లు రైతులు ఆరోపిస్తున్నారు. వాగుల నుంచి అక్రమంగా ఇసుక తరలింపునకు పాల్పడటంతో బోరు బావుల్లో నీటిమట్టం గణనీయంగా పడిపోతోందని, ఇది తమ వ్యవసాయానికి తీవ్ర నష్టం కలిగిస్తోందని రైతులు ఆందోళన వ్యక్తం చేస్తున్నారు.
నిర్మల్ జిల్లా మండలంలో ఇసుకాసురులు తమ అక్రమ దందా కొనసాగిస్తున్నారు. ఇందిరమ్మ ఇళ్ల పథకం పేరుతో అక్రమ ఇసుక డంపులు చేస్తున్నట్లు రైతులు ఆరోపిస్తున్నారు. వాగుల నుంచి అక్రమంగా ఇసుక తరలింపునకు పాల్పడటంతో బోరు బావుల్లో నీటిమట్టం గణనీయంగా పడిపోతోందని, ఇది తమ వ్యవసాయానికి తీవ్ర నష్టం కలిగిస్తోందని రైతులు ఆందోళన వ్యక్తం చేస్తున్నారు.
అధికారుల పాత్రపై అనుమానాలు
ఈ అక్రమ ఇసుక రవాణా యథేచ్ఛగా కొనసాగుతుండటం వెనుక అధికారుల ప్రమేయం ఉందని స్థానికులు బలంగా అనుమానిస్తున్నారు. రెవెన్యూ, మైనింగ్ శాఖల అధికారుల కనుసన్నల్లోనే ఈ అక్రమాలు జరుగుతున్నాయని, వారి నుంచి ఎటువంటి చర్యలు లేకపోవడం ఈ అనుమానాలకు బలం చేకూరుస్తోందని అంటున్నారు. అక్రమ రవాణాను అడ్డుకోవాల్సిన అధికారులు ప్రేక్షక పాత్ర వహించడంపై తీవ్ర విమర్శలు వెల్లువెత్తుతున్నాయి.
ఇసుక అక్రమ రవాణా వల్ల భూగర్భ జలాలు అడుగంటిపోతుంటే, దానిని అరికట్టాల్సిన యంత్రాంగం నిమ్మకు నీరెత్తినట్లు వ్యవహరించడం దారుణమని రైతులు వాపోతున్నారు. ఈ అక్రమాలపై అధికారులు తక్షణమే స్పందించి, సంబంధిత వ్యక్తులపై కఠిన చర్యలు తీసుకోవాలని, అక్రమ ఇసుక డంపులను తొలగించాలని ప్రజలు, రైతులు డిమాండ్ చేస్తున్నారు. తక్షణ చర్యలు తీసుకోకపోతే తమ నిరసనలను తీవ్రతరం చేస్తామని హెచ్చరిస్తున్నారు.
