తానూర్ లో జెండా పౌర్ణమి వేడుకలు: పోచమ్మ ఆలయంలో ప్రత్యేక పూజలు

తానూర్ మండల కేంద్రంలో జెండా పౌర్ణమి సందర్భంగా శనివారం పోచమ్మ మహాలక్ష్మి ఆలయంలో ప్రత్యేక పూజలు, అభిషేకాలు నిర్వహించారు. ఆలయ అర్చకులు అమ్మవారికి అభిషేకం చేసి విశేష పూజలు చేశారు. భక్తులు అధిక సంఖ్యలో పాల్గొని అమ్మవారిని దర్శించుకున్నారు.

భజన వేడుకల ముగింపు

పోచమ్మ, మహాలక్ష్మి ఆలయాల్లో శ్రావణ మాసంలో ప్రారంభమై నెల రోజులుగా కొనసాగిన భజన వేడుకలు శనివారంతో ముగిశాయి. అనంతరం ఆలయ కమిటీ ఆధ్వర్యంలో తీర్థప్రసాదాలు పంపిణీ చేశారు.

ఈ కార్యక్రమంలో గ్రామపంచాయతీ సర్పంచ్ సుగంధ జాదవ్, ఆలయ కమిటీ సభ్యులు, గ్రామస్తులు, భక్తులు పాల్గొన్నారు.