నిమ్మజనం శోభయాత్ర ప్రశాంతంగా కొనసాగాలి

జిల్లా ఎస్పీ డా. జానకి షర్మిల ఆధ్వర్యంలో గత రెండేళ్లుగా భైంసాలో గణేష్ నిమజ్జన వేడుకలు ప్రశాంతంగా జరుగుతున్నాయని ఆయన పేర్కొన్నారు. పోలీసు శాఖ చేపట్టిన భద్రతా చర్యలు, వివిధ శాఖల అధికారుల సమన్వయంతో నిమజ్జన కార్యక్రమం సాఫీగా సాగుతోందని ఆయన తెలిపారు.

గణేష్ మండపాల నిర్వాహకులు, భక్తులు, యువత పోలీసులకు పూర్తిస్థాయిలో సహకరిస్తూ, సంయమనంతో శోభాయాత్ర నిర్వహించుకోవాలని విలాస్ గాదేవర్ సూచించారు. భక్తి, ఆనందోత్సాహాల మధ్య గణనాథుడికి వీడ్కోలు పలుకుతున్న ప్రతి ఒక్కరూ శాంతిభద్రతల పరిరక్షణకు సహకరించాలని ఆయన కోరారు.

భైంసా పట్టణంలో శాంతియుత వాతావరణాన్ని కాపాడుతూ వినాయక నిమజ్జన వేడుకలను విజయవంతంగా నిర్వహించడంలో ప్రతి ఒక్కరి సహకారం అభినందనీయమని విలాస్ గాదేవర్ అన్నారు.