గిరిజన పాఠశాలలు, తండాలకు భారీగా నిధులు: ఎమ్మెల్యే పవార్ రామరావ్ పటేల్

మండల కేంద్రంలో గురువారం ఏర్పాటుచేసిన విలేకరుల సమావేశంలో ఎమ్మెల్యే పవార్ రామరావ్ పటేల్ మాట్లాడుతూ, నియోజకవర్గంలో గిరిజన పాఠశాలల అభివృద్ధిపై ప్రత్యేక దృష్టి సారించామని తెలిపారు. ఆశ్రమ పాఠశాలల్లో సౌకర్యాల కల్పన, అభివృద్ధి పనులకు నాలుగు కోట్ల 72 లక్షల నిధులు మంజూరు చేసినట్లు వెల్లడించారు. పలుమార్లు గిరిజన ఆశ్రమ పాఠశాలలకు వెళ్లి సమస్యలు తెలుసుకుని, నిధులు మంజూరు చేయాలని సంబంధిత శాఖ మంత్రికి విన్నవించడంతో నిధులు మంజూరు అయ్యాయని తెలిపారు.

పాఠశాలల వారీగా నిధుల కేటాయింపు

భైంసాలోని గిరిజన ఆశ్రమ పాఠశాలకు ఒక కోటి 90 లక్షల రూపాయల నిధులు మంజూరు చేశామని, అదనపు తరగతి గదుల నిర్మాణం, కిచెన్ షెడ్, డైనింగ్ హాల్ కోసం ఈ నిధులు కేటాయించినట్లు చెప్పారు. కుబీర్ మండలంలోని దోడర్న గిరిజన ఆశ్రమ పాఠశాలకు 99 లక్షల రూపాయలు, తానూర్ మండలంలోని గిరిజన ఆశ్రమ పాఠశాలకు కోటి 73 లక్షల రూపాయల నిధులు మంజూరు చేసినట్లు తెలిపారు. ఈ నిధులతో విద్యార్థులకు అవసరమైన సౌకర్యాలు కల్పిస్తామని ఎమ్మెల్యే పేర్కొన్నారు.

కమ్యూనిటీ హాల్స్ నిర్మాణానికి నిధులు

నియోజకవర్గంలోని 15 గిరిజన తండాల్లో కమ్యూనిటీ హాల్ల నిర్మాణానికి కోటి 60 లక్షల రూపాయల నిధులు వెచ్చించినట్లు తెలిపారు. ఒక్కో కమ్యూనిటీ హాల్ నిర్మాణానికి 10 లక్షల రూపాయలు కేటాయించినట్లు చెప్పారు. కుభీర్ మండలంలోని రంగశివిని తండా, బ్రహ్మేశ్వర్ తండా, ఫకీర్ నాయక్ తాండ, దోడర్న తండా నెంబర్ 5, రంజని తాండ; మండలంలోని నరసింహ నగర్ తాండ, నగర్ తండా; తానుర్ మండలంలో ఝరితండా, హిప్నల్లి తాండ, బామ్నీ తాండ; ముధోల్ మండలంలో చింతకుంట తండా, ఎడ్ బిడ్ తండా, విట్టొలి తండా; కుంటాల మండలంలో అంబకంటి తండా, హన్య తండాల్లో కమ్యూనిటీ హాల్ల నిర్మాణానికి నిధులు మంజూరు చేసినట్లు తెలిపారు.

ప్రభుత్వానికి, మంత్రులకు ధన్యవాదాలు

ఈ సందర్భంగా ముఖ్యమంత్రి రేవంత్ రెడ్డికి, సంబంధిత శాఖ మంత్రి ఆడ్లురి లక్ష్మణ్కు, జిల్లా ఇన్చార్జి మంత్రి జూపల్లి కృష్ణారావుకు ఎమ్మెల్యే పవార్ రామరావ్ పటేల్ ధన్యవాదాలు తెలిపారు. గిరిజన ఆశ్రమ పాఠశాలల్లో సౌకర్యాల కోసం నాలుగు కోట్ల 72 లక్షల రూపాయలు, తండాల్లో కమ్యూనిటీ హాల్ల నిర్మాణానికి కోటి 60 లక్షల రూపాయల నిధులు మంజూరు చేయించినందుకు బైంసా మాజీ మార్కెట్ కమిటీ చైర్మన్ రాజేష్ బాబు కూడా ఎమ్మెల్యే పవార్ రామరావ్ పటేల్కు ధన్యవాదాలు తెలిపారు.