మానుగూరు, 15 September
భద్రాద్రి కొత్తగూడెం జిల్లా మండల కూరగాయల మార్కెట్ అసోసియేషన్ ఆధ్వర్యంలో గణపతి నవరాత్రి మహోత్సవాలు ఘనంగా జరుగుతున్నాయి. ఈ ఉత్సవాల్లో పినపాక ఎమ్మెల్యే పాయం వెంకటేశ్వర్లు పాల్గొని గణనాథుడిని దర్శించుకుని ప్రత్యేక పూజలు నిర్వహించారు.
కూరగాయల మార్కెట్లో ఘనంగా గణపతి నవరాత్రి ఉత్సవాలు ప్రత్యేక పూజలు నిర్వహించిన ఎమ్మెల్యే పాయం వెంకటేశ్వర్లు భద్రాద్రి కొత్తగూడెం జిల్లా మండల కూరగాయల మార్కెట్ అసోసియేషన్ ఆధ్వర్యంలో నిర్వహిస్తున్న గణపతి నవరాత్రి మహోత్సవాల్లో పినపాక ఎమ్మెల్యే పాయం వెంకటేశ్వర్లు పాల్గొన్నారు. సోమవారం గణనాథుడిని దర్శించుకుని ప్రత్యేక పూజలు నిర్వహించారు. ఈ సందర్భంగా ఎమ్మెల్యే మాట్లాడుతూ.. గణపతి స్వామి ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. వ్యాపారులు, ప్రజలు అన్ని రంగాల్లో అభివృద్ధి చెందాలని కోరుకున్నారు. కార్యక్రమంలో కూరగాయల మార్కెట్ అసోసియేషన్ ప్రతినిధులు, మండల కాంగ్రెస్ అధ్యక్షుడు పిరినాకి నవీన్, జిల్లా నాయకులు, సర్పంచులు, ఉపసర్పంచులు, వార్డు సభ్యులు, పార్టీ నాయకులు, కార్యకర్తలు, భక్తులు, స్థానిక ప్రజలు పాల్గొన్నారు.
