గోదావరి నదిలో ఆత్మహత్యకు ప్రయత్నించిన 90 ఏళ్ల వృద్ధుడిని తెలంగాణ ప్రత్యేక పోలీసు సిబ్బంది చాకచక్యంగా కాపాడారు. బాసర గోదావరి ఘాట్ వద్ద నిరంతర నిఘా కొనసాగుతున్న నేపథ్యంలో ఈ ఘటన చోటుచేసుకుంది.
గోదావరిలో ఆత్మహత్యాయత్నం చేసిన వృద్ధుడిని కాపాడిన సిబ్బంది ( గోదావరి నదిలో ఆత్మహత్యలకు పాల్పడకుండా, ప్రమాదాల నివారణకు బాసర గోదావరి ఘాట్ వద్ద నిరంతరం నిఘా కొనసాగుతోంది. జిల్లా ఎస్పీ జానకి షర్మిల ఆదేశాల మేరకు, భైంసా సహాయ పోలీసు అధికారి సాయి కిరణ్ పర్యవేక్షణలో సిబ్బంది 24 గంటలపాటు విధులు నిర్వహిస్తున్నారు. ఇప్పటివరకు పలువురు ప్రమాదవశాత్తు నదిలో పడినవారిని, ఆత్మహత్యకు ప్రయత్నించినవారిని సకాలంలో గుర్తించి ప్రాణాలతో కాపాడి, వారికి ధైర్యం చెప్పి, కుటుంబ సభ్యులకు అప్పగించారు. ఇటీవల కామారెడ్డి జిల్లా మండలం సంగం గ్రామానికి చెందిన రామచంద్రరావు (90) గోదావరి నదిలో ఆత్మహత్యకు ప్రయత్నించగా, విధుల్లో ఉన్న తెలంగాణ ప్రత్యేక పోలీసు సిబ్బంది ముత్తయ్య, యశ్వంత్, సాయి కిరణ్ తమ ప్రాణాలను సైతం లెక్కచేయకుండా ధైర్యసాహసాలతో నదిలోకి దిగి ఆయనను కాపాడారు. వారి సాహసోపేతమైన సేవలను గుర్తించిన జిల్లా ఎస్పీ జానకి షర్మిల ఆదేశాల మేరకు భైంసా సహాయ పోలీసు అధికారి సాయి కిరణ్ వారిని నగదు బహుమతులతో సత్కరించి అభినందించారు. ఈ కార్యక్రమంలో తెలంగాణ ప్రత్యేక పోలీసు దళం బాధ్యులు ఆర్ఎస్ఐ శ్రీనివాస్ పాల్గొన్నారు. ప్రజల ప్రాణాలను కాపాడేందుకు పోలీసులు చూపుతున్న అప్రమత్తత, ధైర్యసాహసాలను అధికారులు అభినందించారు.