నిర్మల్ జిల్లా కాంగ్రెస్ ఎస్సీ ఉపాధ్యక్షుడిగా ఉత్తమ్ భలేరావు నియామకం - భోసిలో ఘన సన్మానం

నిర్మల్ జిల్లా కాంగ్రెస్ పార్టీ ఎస్సీ ఉపాధ్యక్షుడిగా ఉత్తమ్ భలేరావు నియమితులయ్యారు. ఈ సందర్భంగా భోసి గ్రామంలో గ్రామ ప్రజలు, పెద్దలు ఆయనను ఘనంగా సన్మానించి, శాలువాతో సత్కరించి అభినందనలు తెలిపారు. ఈ నియామకంపై ఉత్తమ్ భలేరావు సంతోషం వ్యక్తం చేశారు.

శ్రీ వరసిద్ధి కర్ర వినాయకుని ఆశీస్సులతో కాంగ్రెస్ పార్టీ తనకు ఈ బాధ్యతలు అప్పగించడం సంతోషంగా ఉందని ఉత్తమ్ భలేరావు అన్నారు. మాజీ ఎమ్మెల్యే జి. విఠల్ రెడ్డి నాయకత్వంలో కాంగ్రెస్ పార్టీ తనపై ఉంచిన నమ్మకాన్ని ప్రజలకు సేవ చేయడం ద్వారా నిలబెట్టుకుంటానని ఆయన తెలిపారు.

ముఖ్య నాయకులకు ధన్యవాదాలు

తనకు ఈ బాధ్యతలు అప్పగించిన తెలంగాణ రాష్ట్ర ముఖ్యమంత్రి ఎ. రేవంత్ రెడ్డి, ఉమ్మడి ఆదిలాబాద్ జిల్లా మంత్రి జూపల్లి కృష్ణారావు, తెలంగాణ రాష్ట్ర ఎస్సీ సెల్ అధ్యక్షులు, మానకొండూరు ఎమ్మెల్యే కవ్వంపల్లి సత్యనారాయణ, ఖానాపూర్ ఎమ్మెల్యే, నిర్మల్ జిల్లా కాంగ్రెస్ పార్టీ అధ్యక్షులు వెడ్మ బొజ్జు పటేల్, నిర్మల్ జిల్లా ఎస్సీ చైర్మన్ కట్టే శ్యామ్, ముధోల్ మాజీ శాసనసభ్యులు జి. విఠల్ రెడ్డిలకు ఉత్తమ్ భలేరావు ప్రత్యేక ధన్యవాదాలు తెలిపారు.

ఉత్తమ్ భలేరావు ప్రజాసేవలో నిరంతరం కష్టపడుతున్నారని, ఆయన సేవలను గుర్తించి కాంగ్రెస్ పార్టీ జిల్లా ఉపాధ్యక్ష పదవి ఇవ్వడం అభినందనీయమని రజక సంఘం తెలంగాణ రాష్ట్ర ఉపాధ్యక్షులు సుంకిట పోశెట్టి అన్నారు.

గ్రామ ప్రజల ఆనందం

తమ గ్రామ ముద్దుబిడ్డ ఉత్తమ్ భలేరావును కాంగ్రెస్ పార్టీ గుర్తించి జిల్లా ఉపాధ్యక్షుడిగా నియమించడం గ్రామ ప్రజలకు ఎంతో సంతోషంగా ఉందని భోసి గ్రామ వీడీసీ అధ్యక్షులు రోగిల్ బాలాజీ తెలిపారు. ఉత్తమ్ భలేరావు భవిష్యత్తులో మరిన్ని ఉన్నత పదవులు చేపట్టి ప్రజలకు సేవ చేయాలని గ్రామస్తులు ఆకాంక్షించారు.

ఈ కార్యక్రమంలో వీడీసీ ఉపాధ్యక్షులు మాముల్వార్ గంగాధర్, పవన్ పాండే మహారాజ్, వార్డు మెంబర్ బుట్టి ప్రసాద్, టక్కన్ హన్మాండ్లు, మహాలింగి శివదాసు, కొత్తూరు శంకర్, లోసరం ముత్యం, బ్యాగల్ రఘునాథ్, నరసింహులు, ఎమ్మాయి నాగప్ప, డీలర్ నర్సయ్య, రోగల్ విశ్వనాథ్, అర్దాపూర్ ప్రసాద్, ఉజిగిరి సాయినాథ్, బ్యాగుల హన్మాండ్లు, మహేష్, గైక్వాడ్ సాయినాథ్, ఆసమ్ మాధవ్ తో పాటు గ్రామ పెద్దలు, ప్రజలు పాల్గొన్నారు.