పెంబి మండలంలో ఎమ్మెల్యే వెడ్మ బొజ్జు పటేల్ పర్యటన: అంగన్వాడి భవనం ప్రారంభం, రైతులకు చెక్కుల పంపిణీ

శనివారం పెంబి మండలంలోని వివిధ గ్రామాలలో పర్యటించిన ఎమ్మెల్యే వెడ్మ బొజ్జు పటేల్, నాగపూర్ గ్రామంలో నూతన అంగన్వాడి స్కూల్ భవనాన్ని ప్రారంభించారు. మందపల్లి గ్రామంలో దేశ వేణి నర్సయ్యకు చెందిన నూతన ఇందిరమ్మ ఇంటి గృహప్రవేశానికి హాజరయ్యారు. పెంబి మండల కేంద్రంలో గత వేసవిలో షార్ట్ సర్క్యూట్ కారణంగా నష్టపోయిన మొక్కజొన్న రైతులకు 7 లక్షల 63 వేల రూపాయల చెక్కులను పంపిణీ చేశారు. యాపల్ గూడా గ్రామానికి చెందిన ఆదివాసి ఇల్లు ఈ నెలలో షార్ట్ సర్క్యూట్ తో కాలిపోవడంతో, వారికి నూతన ఇందిరమ్మ ఇంటి మంజూరు పత్రాన్ని అందజేశారు. ఈ కార్యక్రమంలో ఆయా గ్రామాల సర్పంచులు, లబ్ధిదారులు, అంగన్వాడి టీచర్లు, అంగన్వాడి సూపర్వైజర్, సిడిపిఓ, డిడబ్ల్యుఓ, పెంబి ఎంపీడీవో, స్పెషల్ ఆఫీసర్ తో పాటు వివిధ శాఖల అధికారులు పాల్గొన్నారు.