విద్యుత్ సంస్థలపై మెగా ఆడిట్.. 10 వేల మంది వినియోగదారుల అభిప్రాయ సేకరణ

విద్యుత్ సరఫరాలో అంతరాయాలు, బిల్లింగ్ విధానం, మీటరింగ్, ఫిర్యాదుల పరిష్కారం, వసూళ్ల సామర్థ్యం వంటి అంశాలపై ప్రత్యేక దృష్టి సారించనుంది. గృహ, పారిశ్రామిక, వాణిజ్య, వ్యవసాయ రంగాలకు చెందిన వినియోగదారుల అభిప్రాయాలను సేకరించనున్నారు. విద్యుత్ సేవల నాణ్యత, వాటి అందుబాటు, వినియోగదారుల సంతృప్తి స్థాయిని అంచనా వేయడమే ఈ సర్వే ప్రధాన ఉద్దేశ్యం.

ఆర్థిక పరిస్థితిపై ఆందోళన

2020 నాటికి దేశంలోని విద్యుత్ పంపిణీ సంస్థలపై సుమారు రూ.7.26 లక్షల కోట్ల అప్పులు ఉన్నట్లు నివేదికలు వెల్లడించాయి. వాటి వార్షిక వడ్డీ భారం రూ.77,653 కోట్లుగా ఉంది. 24 డిస్కంల నికర ఆస్తుల విలువ ప్రతికూలంగా ఉండగా, మొత్తం పేరుకుపోయిన నష్టాలు సుమారు రూ.3.41 లక్షల కోట్లకు చేరాయి. ఈ ఆర్థిక భారం వినియోగదారులపై పడే అవకాశం ఉంది.

విద్యుత్ కొనుగోళ్లపై పరిశీలన

విద్యుత్ డిమాండ్ అంచనాలు, స్వల్పకాలిక విద్యుత్ కొనుగోళ్లు, పవర్ ఎక్స్ఛేంజీల ద్వారా జరిగే లావాదేవీలు, ప్రభుత్వ పథకాల అమలుపైనా ఆడిట్ దృష్టి సారించనుంది. అవసరానికి మించి ఖరీదైన విద్యుత్ కొనుగోళ్లు జరుగుతున్నాయా వాటి ప్రభావం వినియోగదారులపై పడుతోందా అనే అంశాలనూ పరిశీలించనున్నారు. దీనిపై సమగ్ర నివేదికను సిద్ధం చేయనుంది.

ఈ ఆడిట్లో వెల్లడైన రాష్ట్రాల వారీ నివేదికలను ఆయా రాష్ట్రాల శాసనసభల్లో ప్రవేశపెట్టనున్నారు. విద్యుత్ రంగంలోని సమస్యలను గుర్తించి, భవిష్యత్తులో సరఫరా నాణ్యత, ఆర్థిక స్థిరత్వం మెరుగుపడేలా విధానపరమైన సూచనలు చేయడం ఈ కార్యక్రమం లక్ష్యం. ఈ ఆడిట్ ఫలితాలు విద్యుత్ రంగంలో కీలక మార్పులకు దారితీయవచ్చని భావిస్తున్నారు.

కంప్ట్రోలర్ అండ్ ఆడిటర్ జనరల్ () దేశవ్యాప్తంగా విద్యుత్ పంపిణీ సంస్థలపై ఒక ప్రత్యేక ఆడిట్ను ప్రారంభించింది. ఈ ఆడిట్లో భాగంగా 39 డిస్కంలు, ఐదు విద్యుత్ శాఖల ఆర్థిక, నిర్వహణ సామర్థ్యాలను పరిశీలించడంతో పాటు, సుమారు 10 వేల మంది వినియోగదారుల అభిప్రాయాలను సేకరించనున్నారు. విద్యుత్ సరఫరా నాణ్యత, బిల్లింగ్, ఫిర్యాదుల పరిష్కారం వంటి అంశాలపై దృష్టి సారించనున్నారు.