భైంసా, 12 September
భైంసా పట్టణానికి చెందిన 4వ తరగతి విద్యార్థి జి. హిమాన్ష్ తన సృజనాత్మకతతో అద్భుతమైన చిత్రాన్ని గీసి అందరినీ ఆకట్టుకున్నాడు. పర్యావరణ పరిరక్షణ, ప్రకృతి ప్రేమ, భారతీయ సంస్కృతి వంటి సందేశాలను ప్రతిబింబించేలా ఈ చిత్రం రూపొందింది.
*నాలుగో తరగతి విద్యార్థి జి. హిమాన్ష్ అద్భుత కళా ప్రతిభ* భైంసా పట్టణానికి చెందిన 4వ తరగతి చదువుతున్న విద్యార్థి జి. హిమాన్ష్ తన సృజనాత్మకతకు అద్దం పట్టేలా అద్భుతమైన చిత్రాన్ని గీశాడు. వినాయకుడిని ప్రకృతి, చెట్లు, భూమితో అనుసంధానిస్తూ రూపొందించిన ఈ చిత్రం పర్యావరణ పరిరక్షణ, ప్రకృతి ప్రేమ, భారతీయ సంస్కృతి వంటి సందేశాలను ప్రతిబింబిస్తోంది. చెట్టుపై కొలువైన శ్రీ గణేశుడు, కింద భూమిని సూచించే గ్లోబ్, పచ్చని ఆకులు వంటి అంశాలను చక్కగా చిత్రీకరించడం విశేషంగా ఆకట్టుకుంది. చిన్న వయసులోనే ఇంత చక్కటి ఊహాశక్తి, కళాత్మక నైపుణ్యాన్ని ప్రదర్శించడం అభినందనీయమని పలువురు పేర్కొన్నారు. విద్యార్థి హిమాన్ష్లోని చిత్రలేఖన ప్రతిభను ప్రోత్సహిస్తూ, భవిష్యత్తులో మరిన్ని సృజనాత్మక చిత్రాలు రూపొందించాలని ఉపాధ్యాయులు, తల్లిదండ్రులు ఆకాంక్షించారు.
