రెడ్డిగూడెం, 12 November
నిర్మల్ జిల్లా సారంగాపూర్ మండలంలోని స్వర్ణ గ్రామంలో ఇందిరమ్మ ఇళ్ల నిర్మాణానికి అధికారులు అడ్డంకులు సృష్టిస్తున్నారని లబ్ధిదారులు గృహ నిర్మాణ శాఖ మంత్రి పొంగులేటి శ్రీనివాస్ కి ఫిర్యాదు చేశారు. వెంటనే స్పందించిన మంత్రి, జిల్లా కలెక్టర్కు ఫోన్ చేసి సమస్యను పరిష్కరించాలని ఆదేశించారు.
నిర్మల్ జిల్లా సారంగాపూర్ మండలంలోని స్వర్ణ గ్రామానికి చెందిన ఇందిరమ్మ ఇళ్ల లబ్ధిదారులు, నిర్మల్ నియోజకవర్గ కాంగ్రెస్ పార్టీ ఇన్చార్జి కూచాడి శ్రీహరి రావు ఆధ్వర్యంలో హైదరాబాద్లో గృహ నిర్మాణ శాఖ మంత్రి పొంగులేటి శ్రీనివాస్ ని కలిశారు. స్వర్ణ గ్రామంలో శిథిలావస్థకు చేరిన ఇళ్లను కూల్చి, మంజూరైన ఇందిరమ్మ ఇళ్లను నిర్మించే క్రమంలో ఇరిగేషన్ స్థలం పేరుతో అధికారులు ఇబ్బందులు కలిగిస్తున్న విషయాన్ని మంత్రి దృష్టికి తీసుకెళ్లారు.
మంత్రి ఆదేశాలు
వెంటనే స్పందించిన రెవెన్యూ, గృహ నిర్మాణ శాఖల మంత్రి పొంగులేటి శ్రీనివాస్ జిల్లా కలెక్టర్ భవేష్ మిశ్రాకు ఫోన్ చేసి, సమస్యను పరిష్కరించి, రేపటి నుంచే ఇళ్ల నిర్మాణాలు ప్రారంభమయ్యేలా చర్యలు తీసుకోవాలని ఆదేశించారు.
ఈ కార్యక్రమంలో ఇందిరమ్మ ఇళ్ల లబ్ధిదారులు, ఏఎంసీ చైర్మన్ అబ్దుల్లాది తదితరులు పాల్గొన్నారు.
