చిత్తూరు, 12 November
చిలకడ దుంపతో పాటు దాని ఆకులు కూడా ఆరోగ్యానికి మేలు చేస్తాయి. కొలెస్ట్రాల్ను కరిగించి, రక్తంలో చక్కెర స్థాయిలను నియంత్రించడంలో ఇవి సహాయపడతాయి.
తియ్యని రుచితో అందరినీ ఆకట్టుకునే చిలకడ దుంపతో పాటు, దాని ఆకులు కూడా ఎన్నో ఆరోగ్య ప్రయోజనాలను కలిగి ఉన్నాయి. ముఖ్యంగా రక్తనాళాల్లో పేరుకుపోయిన కొలెస్ట్రాల్ను కరిగించడంలో, రక్తంలో చక్కెర స్థాయిలను నియంత్రించడంలో ఇవి కీలక పాత్ర పోషిస్తాయి. చిలకడ దుంప ఆకులను ఆహారంలో చేర్చుకోవడం ద్వారా అనేక ఆరోగ్య సమస్యల నుంచి ఉపశమనం పొందవచ్చని నిపుణులు సూచిస్తున్నారు. ఒక గ్లాసు నీటిలో నాలుగు చిలకడ దుంప ఆకులను వేసి 5 నుంచి 7 నిమిషాలు మరిగించి, వడకట్టి, అరస్పూన్ తేనె కలిపి తాగడం వల్ల అనేక ఆరోగ్య ప్రయోజనాలు కలుగుతాయి. ఈ ఆకులలో ఉండే -కణాలు (-లింఫోసైట్లు) మరియు సహజ కిల్లర్ కణాలు (-కణాలు) శరీర రోగనిరోధక శక్తిని పెంచి, ఇన్ఫెక్షన్ల బారిన పడకుండా కాపాడతాయి. అలాగే, ఈ ఆకులలోని యాంటీ-డయాబెటిక్ సమ్మేళనాలు డయాబెటిస్ ఉన్నవారిలో రక్తంలో చక్కెర స్థాయిలను నియంత్రణలో ఉంచడంలో సహాయపడతాయి. చిలకడ దుంప ఆకులలో దాదాపు 24 రకాల యాంటీ ఆక్సిడెంట్లు ఉన్నాయి. ఇవి రక్తంలోని కొలెస్ట్రాల్ను తొలగించి, రక్త ప్రసరణను మెరుగుపరిచి, గుండె ఆరోగ్యాన్ని కాపాడతాయి. రక్తనాళాల్లో కొవ్వు పేరుకుపోకుండా, బ్లాక్స్ ఏర్పడకుండా ఇవి కాపాడుతాయి. విటమిన్ సమృద్ధిగా ఉండటం వల్ల సిరలు, ధమనుల వెంట రక్తనాళాలను కప్పి ఉంచే కణాల వాపును తగ్గించడంలో సహాయపడుతుంది. ఇది రక్తం గడ్డకట్టే ప్రక్రియను కూడా సులభతరం చేస్తుంది.
కాలేయ కణాలను (లివర్ సెల్స్) డ్యామేజ్ కాకుండా కాపాడటానికి కూడా ఈ ఆకులు సహాయపడతాయి. ప్రేగు కదలికలను మెరుగుపరిచి, జీర్ణక్రియను సులభతరం చేసి, గ్యాస్, కడుపు ఉబ్బరం వంటి సమస్యలను తగ్గిస్తాయి. ఆందోళన, ఒత్తిడి నుండి ఉపశమనం కలిగిస్తాయి. ఎముకల ఆరోగ్యాన్ని కూడా మెరుగుపరుస్తాయి. కంటి ఆరోగ్యానికి కూడా ఇవి ఎంతో మేలు చేస్తాయి. ఈ ఆకులలోని లుటీన్, జియాక్సంతిన్ కంటిశుక్లం, వయసుతో వచ్చే మాక్యులార్ డీజెనరేషన్ వంటి సమస్యలను తగ్గించడంలో సహాయపడతాయి. కంటి కండరాలకు ఆక్సీకరణ నష్టం జరగకుండా కాపాడతాయి. గమనిక: ఈ కథనంలో పేర్కొన్న సమాచారం కేవలం అవగాహన కోసం మాత్రమే. దీనిని వైద్య సలహాగా పరిగణించరాదు. ఇందులోని అంశాలకు నమస్తే చిత్తూర్ సామాజిక మాసపత్రిక బాధ్యత వహించదు.