దూదిగాం సిఎస్ఐ దేవాలయంలో ఘనంగా గృహ వెలుగు పండుగలు

దూదిగాం సిఎస్ఐ దేవాలయంలో క్రైస్తవ భక్తులు గృహ వెలుగు పండుగలను ఘనంగా జరుపుకున్నారు. ఈ కార్యక్రమంలో మహిళలు అధిక సంఖ్యలో పాల్గొని దివిటీలతో సిలువను వెలిగించారు. గత మూడు రోజుల నుండి గ్రామాల్లో సిలువ వెలిగింపు కార్యక్రమం నిర్వహించారు.

ప్రత్యేక పాటలతో కార్యక్రమాలు

సిలువ వెలిగింపు మూడవ రోజున ప్రత్యేక పాటలతో కార్యక్రమాలు నిర్వహించడం విశేషం. ఈ కార్యక్రమంలో స్థానిక ఇన్చార్జి గురువులు రేవ్. ఎస్. కమలాకర్ క్రైస్తవ భక్తులను ఉద్దేశించి ప్రసంగించారు. క్రీస్తు లోకానికి వెలుగై ఉన్నారు. ప్రతి క్రైస్తవుడు వెలుగుతో నింపబడాలని ఆయన సూచించారు. నేను లోకానికి వెలుగై ఉన్నాను అని ఏసుక్రీస్తు బైబిల్ అధ్యాయాల ద్వారా సూచనలు ఇవ్వడం జరిగిందని తెలిపారు.

పాల్గొన్నవారు

ఈ కార్యక్రమంలో గ్రామాల సంఘ స్త్రీల మైత్రి సభ్యులు, సోంపేట గురువు రేవ్. స్వర్ణ కుమార్, ముప్కల్ సంఘ కాపరీ అనుదీప్, సంఘ నాయకులు తదితరులు పాల్గొన్నారు.