దుర్గాదేవి శరన్నవరాత్రి ఉత్సవాల సందర్భంగా భక్తులకు ఎలాంటి ఇబ్బందులు కలగకుండా పకడ్బందీ ఏర్పాట్లు చేయాలని ఎస్పీ షేక్ జుబేర్ సూచించారు. ప్రజలు శాంతియుత వాతావరణంలో దసరా దుర్గాదేవి శరన్నవరాత్రి ఉత్సవాలను జరుపుకోవాలని ఆయన తెలిపారు.
దుర్గాదేవి శరన్నవరాత్రి ఉత్సవాల సందర్భంగా భక్తులకు ఎలాంటి ఇబ్బందులు కలగకుండా పకడ్బందీ ఏర్పాట్లు చేయాలని ఎస్పీ షేక్ జుబేర్ సూచించారు. ప్రజలు శాంతియుత వాతావరణంలో దసరా దుర్గాదేవి శరన్నవరాత్రి ఉత్సవాలను జరుపుకోవాలని ఆయన తెలిపారు.
మండపాల నిర్వాహకులకు సూచనలు
ఉత్సవాల సందర్భంగా మండపాల నిర్వాహకులు ప్రత్యేక జాగ్రత్తలు పాటించాలని ఆయన సూచించారు. మండపాల నిర్మాణంలో నిబంధనలు పాటించాలని, ఏర్పాట్లు అనుమతులకు అనుగుణంగా ఉండాలని ఆయన తెలిపారు. మండపాల వద్ద సీసీ కెమెరాలను తప్పనిసరిగా ఏర్పాటు చేయాలని సూచించారు.
రాత్రి 10 గంటల తర్వాత డీజేలను పూర్తిగా నిషేధించినట్లు ఆయన స్పష్టం చేశారు. అసభ్యకరమైన పాటలు, శబ్ద కాలుష్యానికి కారణమయ్యే కార్యక్రమాలకు దూరంగా ఉండాలని, నిబంధనలు ఉల్లంఘిస్తే పోలీసుల నుంచి చర్యలు తప్పవని ఆయన హెచ్చరించారు.
భక్తులు, నిర్వాహకులు పోలీసులకు సహకరించి శాంతిభద్రతలకు విఘాతం కలగకుండా ఉత్సవాలను భక్తిశ్రద్ధలతో నిర్వహించుకోవాలని ఆయన కోరారు.
