అందంగా కనిపించాలని ప్రతి ఒక్కరూ కోరుకుంటారు. అయితే అందం అంటే కేవలం మేకప్ మాత్రమే కాదు, మనల్ని మనం ప్రేమించుకోవడం, వ్యక్తిత్వానికి తగిన దుస్తులు ఎంచుకోవడం, చర్మ సంరక్షణ కూడా ఇందులో భాగమే. ఈ విషయాన్ని ఫ్యాషన్ డిజైనర్, శ్రీ మౌక్తిక బ్యూటీ స్టూడియో నిర్వాహకురాలు హీరా యాదవ్ తన అనుభవంతో వివరిస్తున్నారు.
ఫ్యాషన్ డిజైనింగ్పై ఆసక్తితో ఈ రంగంలోకి అడుగుపెట్టిన హీరా యాదవ్, తన సృజనాత్మకతకు అనుభవాన్ని జోడిస్తూ మహిళలకు అందానికి సంబంధించిన సేవలను అందిస్తున్నారు. సందర్భానికి తగిన దుస్తుల ఎంపిక నుంచి, చర్మ సంరక్షణ, హెయిర్ స్టైలింగ్, మేకప్ వరకు ప్రతి విషయంలోనూ వ్యక్తిగత అభిరుచులకు ప్రాధాన్యత ఇస్తున్నారు. మహిళలకు అందంపై విలువైన సూచనలు చేస్తూ, ప్రతిరోజూ తగినంత నీరు తాగడం, మంచి నిద్రకు ప్రాధాన్యత ఇవ్వడం, చర్మానికి సరిపోయే ఉత్పత్తులను ఉపయోగించడం ఎంతో ముఖ్యమని చెబుతున్నారు. బయటకు వెళ్లేటప్పుడు సన్స్క్రీన్ ఉపయోగించడం, రాత్రి నిద్రపోయే ముందు మేకప్ను పూర్తిగా తొలగించడం వంటి చిన్న అలవాట్లు చర్మ సంరక్షణకు ఉపయోగపడతాయని సూచిస్తున్నారు.
ఫ్యాషన్ విషయంలో ఇతరులను అనుకరించడం కంటే, మన శరీరాకృతికి, వ్యక్తిత్వానికి, సందర్భానికి సరిపోయే దుస్తులను ఎంచుకోవడమే ఉత్తమమని ఆమె అభిప్రాయపడుతున్నారు. ఖరీదైన దుస్తులు ధరించినప్పుడే అందంగా కనిపిస్తామనుకోవడం పొరపాటని, సరైన రంగుల ఎంపిక, చక్కని దుస్తుల అమరిక, ఆత్మవిశ్వాసంతో కూడిన చిరునవ్వు మన రూపానికి ప్రత్యేక ఆకర్షణను తీసుకొస్తాయని వివరిస్తున్నారు. ప్రతి మహిళలోనూ ప్రత్యేకమైన అందం ఉంటుందని, దానిని గుర్తించి ఆత్మవిశ్వాసంతో ముందుకు సాగాలని ఆమె ఆకాంక్షిస్తున్నారు. అందాన్ని పెంచుకోవడంతో పాటు ఆరోగ్యానికి, వ్యక్తిగత పరిశుభ్రతకు ప్రాధాన్యత ఇవ్వాలని సూచిస్తున్నారు.
తన వృత్తిపరమైన అనుభవంతో మరింత మంది మహిళలకు అందంపై అవగాహన కల్పిస్తూ, వారి అభిరుచులకు తగిన ఫ్యాషన్, బ్యూటీ సేవలను అందించడమే తన లక్ష్యమని ఆమె చెబుతున్నారు. అందం అనేది మనం వేసుకునే మేకప్లోనే కాదు, మన ఆత్మవిశ్వాసంలోనూ ఉంటుందని ఆమె పేర్కొన్నారు.
