మహిళల భజన పోటీలు: ఆధ్యాత్మిక వాతావరణం నెలకొల్పిన పోటీదారులు

నగరంలోని జనార్ధన్ గార్డెన్లో భారతమాత పరివార్ భజన మండలి ఆధ్వర్యంలో మహిళలకు ప్రత్యేక భజన పోటీలు నిర్వహించారు. వివిధ ప్రాంతాల నుంచి మహిళలు పాల్గొని భక్తిగీతాలు, భజనలతో ఆధ్యాత్మిక వాతావరణాన్ని నెలకొల్పారు.

ముఖ్య అతిథిగా కృష్ణ మహారాజ్

కార్యక్రమానికి ముఖ్య అతిథిగా విచ్చేసిన శ్రీ లింగేశ్వర ఆశ్రమ పీఠాధిపతి పిట్ల కృష్ణ మహారాజ్ మాట్లాడుతూ.. భారతదేశం ఎందరో మహనీయులు జన్మించిన పుణ్యభూమి అని, ఇలాంటి ఆధ్యాత్మిక, సాంస్కృతిక కార్యక్రమాలను నిర్వహించుకోవడం ఎంతో ఆనందంగా ఉందని, భజన పోటీల్లో పాల్గొన్న మహిళలందరికీ ప్రత్యేక శుభాకాంక్షలు తెలిపారు.

భవిష్యత్ తరాలకు ఆధ్యాత్మికత

భారతదేశంలోనే అపారమైన ఆధ్యాత్మిక సంపద లభిస్తుందని, భక్తి, సంస్కృతి, సంప్రదాయాలను భవిష్యత్ తరాలకు అందించేందుకు ఇలాంటి కార్యక్రమాలు దోహదపడతాయని పేర్కొన్న కృష్ణ మహారాజ్, కార్యక్రమాన్ని నిర్వహించిన సుబ్బారావు దంపతులకు ప్రత్యేక అభినందనలు, శుభాకాంక్షలు తెలిపారు. కార్యక్రమంలో భజన మండలి సభ్యులు, మహిళలు, భక్తులు పాల్గొన్నారు.