జగిత్యాల పట్టణంలోని 12వ వార్డు అంగన్వాడీ కేంద్రంలో బీజేపీ పట్టణ కార్యదర్శి గడ్డల లక్ష్మి ఆధ్వర్యంలో పండ్ల పంపిణీ కార్యక్రమం నిర్వహించారు. బీజేపీ ఆధ్వర్యంలో చేపడుతున్న అంగన్ మిలన్ సేవా కార్యక్రమంలో భాగంగా అంగన్వాడీ సిబ్బందిని సన్మానించి, చిన్నారులకు పండ్లు పంపిణీ చేశారు.
జగిత్యాల పట్టణంలోని 12వ వార్డు అంగన్వాడీ కేంద్రంలో బీజేపీ పట్టణ కార్యదర్శి గడ్డల లక్ష్మి ఆధ్వర్యంలో పండ్ల పంపిణీ కార్యక్రమం నిర్వహించారు. బీజేపీ ఆధ్వర్యంలో చేపడుతున్న అంగన్ మిలన్ సేవా కార్యక్రమంలో భాగంగా అంగన్వాడీ సిబ్బందిని సన్మానించి, చిన్నారులకు పండ్లు పంపిణీ చేశారు. ఈ సందర్భంగా గడ్డల లక్ష్మి మాట్లాడుతూ మాతా శిశు సంక్షేమం కోసం అంగన్వాడీ కేంద్రాల్లో సేవలందిస్తున్న సిబ్బందిని గౌరవించేందుకు ఈ కార్యక్రమం నిర్వహించినట్లు తెలిపారు. మహిళా, శిశు సంక్షేమానికి కేంద్ర ప్రభుత్వం ప్రాధాన్యం ఇస్తోందని అన్నారు.
అంగన్వాడీ కేంద్రాల్లో గర్భిణులు, బాలింతలు, చిన్నారులకు పౌష్టికాహారం అందిస్తున్నట్లు తెలిపారు. అంగన్వాడీ సేవలను మరింత బలోపేతం చేయడంతోపాటు, సేవలను పారదర్శకంగా అందించేందుకు అంగన్వాడీ కార్యకర్తలకు స్మార్ట్ఫోన్లు అందించినట్లు పేర్కొన్నారు. అంగన్వాడీ సేవలను ప్రతి ఒక్కరూ సద్వినియోగం చేసుకోవాలని కోరారు. కార్యక్రమంలో అంగన్వాడీ ఉపాధ్యాయురాలు శ్యామల, ఆశా కార్యకర్త అంజలి, అమల, గంగు తదితరులు పాల్గొన్నారు.
