నిర్మల్ జిల్లా సారంగాపూర్ మండలంలోని స్వర్ణ గ్రామంలో ఉన్న ఆశ్రమ పాఠశాలను ప్రాథమిక ఆరోగ్య వైద్యురాలు డా హైఫిరాణి సందర్శించారు. విద్యార్థుల ఆరోగ్యాన్ని పరిరక్షించేందుకు ఆమె ఈ పర్యటన చేపట్టారు.
ఆమె పాఠశాల వంటగది, విద్యార్థులు నివసించే గదులను క్షుణ్ణంగా పరిశీలించారు. విద్యార్థుల ఆరోగ్య పరిస్థితులపై ఆరా తీశారు. ఈ సందర్భంగా విద్యార్థులకు వైద్య పరీక్షలు నిర్వహించారు. వ్యక్తిగత పరిశుభ్రత ప్రాముఖ్యతను వివరిస్తూ, దానిని తప్పనిసరిగా పాటించాలని సూచనలు చేశారు. ఆరోగ్యకరమైన జీవనశైలిపై విద్యార్థులకు అవగాహన కల్పించారు. ఈ కార్యక్రమంలో హెల్త్ సూపర్వైజర్లు శ్రీనివాస్, ప్రేమ్సింగ్, దీపిక, అసిస్టెంట్లు కిరణ్, పద్మలాదేవి, ఆశా వర్కర్లు, పాఠశాల ప్రధానోపాధ్యాయురాలు శైలజ, వార్డెన్ మంగలాల్, ఇతర సిబ్బంది పాల్గొన్నారు. పాఠశాల నిర్వహణ, విద్యార్థుల సంక్షేమంపై అధికారులు వైద్యురాలితో చర్చించారు.
