నిర్మల్, 13 November
పింఛన్ కోసం దరఖాస్తు చేసుకుని, సాంకేతిక లేదా ఇతర కారణాలతో ఆన్ లైన్ లో నమోదు కాని వారికి శుభవార్త. కాంగ్రెస్ పార్టీ నియోజకవర్గ ఇన్ ఛార్జి కూచాడి శ్రీహరిరావు చొరవతో వారికి కొత్త పింఛన్లు అందనున్నాయి. ఈ మేరకు ఆయన సెర్ఫ్ సీఈవో దివ్య దేవరాజన్ ను కలిసి విజ్ఞప్తి చేశారు.
పింఛన్ కోసం దరఖాస్తు చేసుకుని, సాంకేతిక లేదా ఇతర కారణాలతో ఆన్ లైన్ లో నమోదు కాని వారికి మంచి రోజులు వచ్చాయి. ఇక తమకు పింఛన్ రాదని నిరాశ చెందిన వారికి కాంగ్రెస్ పార్టీ నియోజకవర్గ ఇన్ ఛార్జి కూచాడి శ్రీహరిరావు చొరవతో కొత్త పింఛన్లు అందనున్నాయి. ఈ విషయమై శుక్రవారం హైదరాబాద్ లో సెర్ఫ్ సిఈవో దివ్య దేవరాజన్ ను ఆయన కలిశారు. జిల్లాలో సుమారు 200 మంది అర్హులైన వారి దరఖాస్తులు ఆన్ లైన్ లో నమోదు కాలేదని సిఈవోకు తెలిపారు. ఈ కారణంగా అర్హులైన వారు ప్రభుత్వ పింఛన్ కోల్పోయే ప్రమాదముందని ఆయన చెప్పారు. వారికి మరో అవకాశం కల్పించి, వారి దరఖాస్తులను ఆన్ లైన్ లో నమోదు చేయించి పింఛన్లు వచ్చేలా చూడాలని ఆయన విజ్ఞప్తి చేశారు. వెంటనే స్పందించిన సిఈవో, జిల్లాలో ఇలా ఎంతమంది ఉన్నారనే వివరాలన్నీ ఆన్ లైన్ లో నమోదు చేయిస్తామని, అలాగే వారిలో అర్హులైన వారందరికీ వచ్చే నెల నుంచి పింఛన్ అందిస్తామని సెర్ఫ్ సిఈవో దివ్య దేవరాజన్ హామీ ఇచ్చినట్లు శ్రీహరిరావు తెలిపారు.
