మైసూరు దసరా వేడుకల నిర్వహణలో ప్రభుత్వ శాఖల మధ్య సమన్వయ లోపం, పోలీసుల ప్రవర్తన కారణంగా రాజకుటుంబ సంప్రదాయాలకు ఆటంకం కలిగిందని మైసూరు రాజవంశానికి చెందిన ప్రమోదా దేవి వడియార్ కర్ణాటక ప్రభుత్వంపై అసంతృప్తి వ్యక్తం చేశారు. జట్టి కలగ, ఆయుధ పూజ, విజయయాత్ర వంటి కార్యక్రమాలలో పోలీసుల ఆంక్షలు ఇబ్బందులు సృష్టించాయని ఆమె తెలిపారు.
మైసూరు దసరా వేడుకల నిర్వహణలో ప్రభుత్వ శాఖల మధ్య సమన్వయ లోపం, పోలీసుల ప్రవర్తన కారణంగా రాజకుటుంబ సంప్రదాయాలకు, మతపరమైన ఆచారాలకు ఆటంకం కలిగిందని మైసూరు రాజవంశానికి చెందిన ప్రమోదా దేవి వడియార్ కర్ణాటక ప్రభుత్వంపై అసంతృప్తి వ్యక్తం చేశారు. జట్టి కలగ, ఆయుధ పూజ, విజయయాత్ర వంటి కార్యక్రమాల సమయంలో పోలీసుల ఆంక్షల వల్ల ఇబ్బందులు ఎదురయ్యాయని ఆమె తెలిపారు. మైసూరు బంగారు అంబారి, రాజ సింహాసనం తమ కుటుంబానికి చెందిన ప్రైవేటు ఆస్తులని ప్రమోదా దేవి వడియార్ స్పష్టం చేశారు. దసరా జంబూ సవారీలో అంబారిని ఉపయోగించుకున్నందుకు ప్రభుత్వం చెల్లించేది అద్దె కాదని, తమ ఆస్తులను వాణిజ్యపరంగా ఉపయోగిస్తున్నందుకు ఇచ్చే రాయల్టీ అని ఆమె వివరించారు. ప్రభుత్వం తమ అంబారిని ఉపయోగించకూడదనుకుంటే సొంతంగా తయారు చేసుకోవచ్చని సూచించారు. అంబారిని మోసే ఏనుగు ఎంపికలోనూ రాజకుటుంబాన్ని సంప్రదించాలని కోరారు. ఈ విషయమై ప్రభుత్వంతో చర్చలు జరపనున్నట్లు సమాచారం.
