బైక్ అదుపుతప్పి వ్యక్తికి తీవ్ర గాయం నిర్మల్ జిల్లాలో ఘటన

నిర్మల్ జిల్లా మామడ మండలంలోని బండాల కనాపూర్ సమీపంలో ఆదివారం ఉదయం రోడ్డు ప్రమాదం చోటుచేసుకుంది. ద్విచక్ర వాహనం అదుపుతప్పి కిందపడటంతో ఒక వ్యక్తికి తీవ్ర గాయాలయ్యాయి. కుడికాలు విరిగిన బాధితుడిని ఆసుపత్రికి తరలించారు. జగిత్యాల జిల్లా కోజన్ కొత్తూరు గ్రామానికి చెందిన సతీష్ (36) ఆదివారం ఉదయం బైక్పై నిర్మల్కు వెళ్తుండగా, మండలంలోని బండాల కనాపూర్ సమీపంలోకి రాగానే వాహనం అదుపుతప్పి కిందపడిపోయింది. ఈ ప్రమాదంలో ఆయన కుడికాలు విరిగింది. ప్రమాదం జరిగిన వెంటనే 108 అత్యవసర వైద్య సేవల సిబ్బందికి సమాచారం అందడంతో, వారు వెంటనే సంఘటనా స్థలానికి చేరుకున్నారు. క్షతగాత్రుడికి అక్కడే ప్రథమ చికిత్స అందించి, మెరుగైన వైద్యం కోసం నిర్మల్ ప్రభుత్వ ఆసుపత్రికి తరలించారు. ఈ అత్యవసర సేవల్లో ఈఎంటీ సల్కం శేఖర్, పైలట్ విజయ్ కుమార్ పాల్గొన్నారు. సకాలంలో స్పందించి బాధితుడిని ఆసుపత్రికి తరలించిన 108 సిబ్బందిని స్థానికులు అభినందించారు.